Tippleikur.is - stórtíðindi

Fyrir ári síðan fékk ég þá flugu í höfuðið að hægt væri að smíða forrit til að halda utan um tippleikinn okkar HSV manna á netinu. Ég fékk hann Bigga Bloggara til að skoða málið með mér og hann fékk nokkrar hugmyndir frá mér og síðan vissi ég ekki fyrr en að þetta var orðið að veruleika.  Núna höldum við úti þessari bara flottu síðu og kerfið virkar bara nokkuð vel.

Það sem gerðist síðan í dag(kvöld) KR getraunir hafa ákveðið að nota kerfið okkar til þess að halda utan um tippleikinn sinn.  Þannig að ég get sagt með sanni að í þessu tilviki kenndi unginn hænunni. Þeir hjá KR getraunum byrjuðu með þennan tippleik þar sem tveir og tveir tippa saman og spilað er meira til þess að hafa gaman og hittast heldur enn að leggja stórar upphæðir undir. Meira segja eru margir sem tippa vikulega án þess að senda raðirnar inn til getrauna enda er það ekki markmiðið heldur er félagsstarfið nr.1-2-3.

Núna er bara að halda áfram að vinna í kerfinu og gera það skemmtilegra og jafnvel bjóða uppá einstaklingsleik í samstarfi við eitthvað fyrirtæki, gæti t.d verið "tippleikur - Flugleiða" Verður gaman að sjá hvað verður úr þessu öllu saman þegar fram líða stundir.

Set hér fyrir neðan logo þeirra félaga sem þegar eru að nota kerfið og nokkur eru á leiðinni.