Að reima skó = viðskipti

ÞVÍLÍK SNILLD

Þau komu vestur Hrafn og Joy sem eru fyrir ofan hana Jónínu sem síða er fyrir ofan mig (mín önnur upplína).  Þvílíkir snillingar sem eru þar á ferð er hreint út sagt ótrúlegt.  Þau voru með frábæra dreifingaraðilaþjálfun á miðvikudaginn frá kl18:00- 23:00 já eða var það lengur.

Hrafn er svo rosalega flottur fyrirlesari og talar svo frá hjartanu þegar hann talar að það er bara fáránlegt.  Hann setur allt upp í svo einfalda mynd að maður skilur allt sem hann segir og maður fattar allt sem hann meinar um fram allt.  t.d. þessi samlíking hans að Herbalife viðskiptin eru ekkert annað en að kenna fólki að reima.  Já þetta hljómar kannski skringilega en ef þið hugsið út í það.  Þegar ykkur var kennt að reima þá byrjaði sá á því að kenna þér síðan sýndi hann þér og í lokin æfðir þú þig.  Síðan getur þú kennt einhverjum nýjum að reima sýna skó.  Ef við reynum að hugsa þessi viðskipti á þessum nótum þá er ekkert vandamál að ná langt. 

Hrafn sjálfur hefur hannað stuðningskerfi sem allir nýir dreifingaraðilar í hans Grúppu fá aðgang að og geta notað til þessa að hjálpa sér við að reima.  Ekki bara hjálpar þetta þeim sem er að læra að reima heldur hjálpar þetta líka þeim er að kenna.  Þetta kerfi gengur eiginlega út á það að stíga fyrstu skrefin aftur og aftur og aftur þangað til þú er orðin sjálfstæður.  Um leið og þú er orðin sjálfstæður þá ferð þú að kenna þessi skref með þínu fólki (undirlínu).

Það er bara ein leið að þessi viðskipti klikki og það er að viðkomandi aðili hætti.  Með því að fá neitun aftur og aftur en samt halda áfram kemur það bara til með að styrkja þig. Sögurnar sem maður heyrir af fólki sem var alveg að hætta en hélt samt úti í smá stund í viðbót.  Þetta sama fólk er í dag að gera frábæra hluti í viðskiptunum. 

------------------------

Speki dagins: Ákafinn er eldsneyti lífsins, hann drífur þig áfram þangað sem þú ætlar að fara.

Heimild: http://www.fjolskyldan.org