Haustið er tími áskoranna

Ég hef verið upp á síðkastið að hitta fólk á förnum vegi og nánast alveg sama hvar ég kem niður talar fólk um hreyfingu og betra mataræði. Ef það er ekki að ræða um það þá er það þreyta, slen og kraftleysi. Þessi orð eru öll mjög ofarlega í huga okkar og margir ætla sér að taka á þessum hlutum um haustið.  Haustið er tími áskoranna líkt og áramótaheit og margir ætla að taka sér tak.

Mér sýnist sem fordómar og skilningsleysi gagnvart fæðubótarefnum almennt hafi minnkað.  Fólk finnur það og fréttir af áhrifum annarra sem hafa notað fæðubótaefni.  Hraðinn er orðinn svo mikill í dag að fólk hefur engan tíma til að borða hvað þá njóta þess að borða.  Hver hefur 1 klst í matartíma eins og áður fyrr, núna eru flestir bara ánægðir ef þeir hafa 30 mín sumir grípa bara eitthvað með sér og setjast aftur fyrir framan tölvuna.

Þyngdaraukning og offita hefur aukist um allan heim, jafnvel er byrjað að tala um að Kínverjar séu farnir að fitna.  Hver átti von á því að það myndi gerast. Mig langar að biðja ykkur sem lesið þetta að líta aðeins í kringum ykkur og sjá fólkið sem er í kringum ykkur.  Reynið að meta sjálf hvort almenningur sé að fitna og þá sérstaklega börn, hvernig verður þetta eftir nokkur ár, já ég er að tala um kannski eftir 10-15 ár ekki hundruðir ára eða meira bara eftir 10-15 ár.