Pabbinn á Þingeyri

Pabbinn verður í félagsheimilinu á Þingeyri 17.október kl.20:00. Þegar ljóst var að sýna átti Pabbann á Ísafirði þá var bara drifið í því að fá hann til að koma degi fyrr og sýna á Þingeyri og tók Pabbinn vel í það.  Vonandi að Þingeyringar og aðrir fjölmenni á sýninguna og njóti vel. Forsala aðgöngumiða verður í sjoppunni á Þingeyri og er miðaverð er það sama á Þingeyri og Reykjavík eða 2.900 kr þannig að það er enginn flutningskostnaður á þessari sýningu.  Allar nánari upplýsingar veitir Torfi Jóhannsson í síma 862-8475, jafnframt er hægt að sjá frekari upplýsingar á http://www.pabbinn.is.

----------

Ég fór og kannaði hvað þyrfti að gera til að fá leiksýninguna Pabbann á Þingeyri, það var ekki flókið mál 300 þús og málið er dautt.  Núna þarf semsagt að selja rétt rúmlega 100 miða til að þetta sé mögulegt.  Ég hef fulla trú á að Þingeyringar fjölmenni á þessa sýningu og geri þetta að veruleika.  Forsala verður í sjoppunni og ætlar undirritaður að ganga í hús og selja miða til þess að tryggja að sýningin verði á staðnum þennan ákveðna dag.